فقدت انسانه عظيمه بغبائى

هذه القصه حقيقيه وليست ضرب من الخيال وابطالها انا المسمى هنا شهريار
وهى انسانه عظيمه رائعه رايت فيها مصر كلها بكل اقطارها بعزة نفسها
رايت فيها الاصاله والعراقه رايت فيها الخير متجسد فى انسان
جعلتنى اشعر اننى انسان لانها انسانه وودت لو حملتها على راسى طول العمر
ولكن لاننى انسان لا يحسن التصرف تصرفت بغباء واكتشفت اننى لا استحق دوام صلتها ولذلك هى قطعت العلاقات ولو استطيع ان اجدها سوف اصلح ما افسدت
واليكم القصه حتى لا يذهب خيال احد بعيدا واكررالقصه حقيقيه بكل حروفها


نت اجلس فى احى المكاتب منشغل بالنت اعادتى اكتب ومنهمك وفأجاة وجدتها اامامى وفى يدها صابونه
هى سيده فى الستين او اكثر من عمرها ركيكة الثياب ولنه مهندم
قالت لى عاوز صابون نظرت اليها باستغراب وقلت بكام يا حاجه
قالت انا بشتريها من البقال بجنيه وربع وببعها بجنيه ونص
فضحكت وقلت طيب هاتى اتنين واخدت الاتنين واعطيتها خمسه جنيه
فطلعت الباقى فقلت لها خلاص يا حاجه لغاية هنا القصه عاديه


فاجاه وتحول الموقف من انسانه تعرض عليا شراء صابون
الى حكيمه بسيطه تعلمنى وانا اظن من انا كيف اعيش فى هذه الحياه

هى فلاحه ولا تحسن الكلام كثيرا ولكن اريد منك ان تجدوا ما بين السطور


قالت لا كده كتير قوى انا قلت لك انى بشتريها بجنيه وربع وببعها بجنيه ونص
يبقى كفايه قوى كده هاخد تانى ليه ولو حتى مفيش معاك فلوس دلوقتى ممكن اخدهم على فترات واتحول الموقف من انى عاوز اساعدها ولكنها من قوتها هى اللى عاوزه تساعدنى وانا ادافع عن نفسى انى معايا فلوس وهى اصرت انها ممكن تاخد التلاته جنيه بالتقسيط المريح
رغم المكتب والبدله والهيصه دى كلها انا حسيت انها صاحبت فضل
فقلتلها معاكى تانى قالت ايوه فناديت احد المساعدين
وقلت لها خدى كل اللى معاها وحاسبيها فردت وقالت انت هتاخدهم ليه
انت ممكن تاخد اللى انت محتاجه بس قلتلها لما يكون معاكى اى حاجه تانيه ابقى هاتيلى
وطبعا انا حبيت اعمل معاها ابو الكرم لانها دخلت دماغى
طبعا دماغى دى عاوز الضرب بال*****
لانها فهمت كده ومن يومها ما جتش تانى
الست دى قالتلى كلام كتير انا مش فاكره
بس حسيته كويس حسيت منها ان الدنيا والشغل وكل حاجه ملهاش اى قيمه
الدنيا بالنسبه لها عباره عن صابونه بتشتريها من البقال وتبعها لاى حد وتاخد الفرق تجيب بيه رغيف عيش تاكله وخلاص هى مش محتاجه زياده عن كده
وعاوزه تقولى انا كمان انى مش محتاج برضه زياده عن كده
وانا لما حاولت اكرمها طفشت منى لانها فى غنى عن كرمى ده
ياااااااااه فيه ناس وجودين بس احنا ما نعرفهمش
لا يسالون الناس الحافا
يحسبهم الجاهل اغنياء من التعفف

[center]فعلا دا درس وكل شيء بيمر علينا هو درس بس المهم نستوعب

وانت عملت اللي تقدر عليه وحاولت تساعدها ومش غلطان وهي تلاقي دا نظامها كل يوم في مكان علشان محدش يزهق منها

ولو مرت عليك حالة زي دي فهمها انك محتاج لخدماتها وانك محتاج حد يشتري لك الحاجات دي

ما شاء الله عليك يا شهر موهوب فى الشعر و القصص كمان .
بس انا قلبى حاسس ان الست التى أعطتك صابونه ها ترجع تانى .
تحياتى لك

انا خايف لتكون مش هترجع تانى
بجد انا محتاج انها ترجع تانى
لانها مثال حى على الوضع اللى مفروض الواحد يحط نفسه فيه

شكرا يا خضر ربنا يكرمك
بس القصه دى حصلت معايا فعلا واتاثرت بيها جدا

[center]يا شهر لما تيجيلك رسالة بتقراها وتكمل طريقك ولا تبروزها وتقعد جنبها؟

هو دا الست دي جاءت تبلغك رسالة أو درس ومشيت انت كمان كمل طريقك وخلاص

انا عارف بس كنت محتاج حصص كتير من الدرس ده
بس يا خساره الاستاذه هربت منى لما حست انى تلميذ فاشل

فعلا كل لبيب بالاشاره يفهوا
تفتكرى الست دى ممكن تكون مش من البشر

[center]لا طبعا من البشر لأن البشر هم بس اللي بيبعوا صابون وبيحسبوا الربع والنص جنيه

اوعى تشطح

هههههههههههه
يعنى الجن بياكلوا زلط ماهما برضه بيشتغلوا وبيشقوا

طب بيتعاملوا بالمقايضه

انتى قلقتى ولا ايه

يجعل كلامنا خفيف عليهم
بسم الله الذي لا إله إلا هو

عزيزتى احسان انا لا أؤمن بالجن ابدا هو فعلا موجود ونصدق بذلك ولكن فى الغيب فحسب ولا أحتكاك بينه و بين البشر .
هل سبق لبشر و شاهد جن ؟ ابدا
هل صور أو سجل صوته ؟ ما حصلش
ماهى أثاره المستدل منها على وجوده ؟ مافيش غير مرضى الصرع المساكين .
الجن هو و العدم سواء وأؤكد ثانيا انه غيب كالملائكة و الجنة و النار كلها غيبيات فى عوالم غير منظورة لنا .

اختلف معاك اخ خضر فى هذا الكلام
هناك جن موجود وله احتكاك قوى بالانسان
واعرف من شاهده بالدليل وكلمه وتعلم منه وعلمه

[center]الجن موجودون كما أسلفت وغير مرئيين لنا "إنه يراكم هو وقبيله من حيث لاترونهم" ولكن قد يحدث تماس بينهم وبين البشر ومنه الوسوسة "ومن شر الوسواس الخناس الذي يوسوس في صدور الناس من الجنة والناس" كما أن الملائكة تحمينا منهم واحنا مش دريانين ففي الحديث الشريف :"لولا الحفظة لتخطفتكم الشياطين"

وايضا هناك حديث لابى هريره فى البخارى
عندما امسك شيطان والحديث معروف

والشياطين كانت مسخرة لسليمان عليه السلام

قال تعالى:"والشياطين كل بناء وغواص"

الأعزاء شهر و أحسان
انا لم أنكره تماما و لكن قلت انه غيب
ولكن الحديث عن تجسد الجن فى صور حيوانات كالقطط مثلا و تلبيسه لجسد الأنسان و العبث بعقله كل تلك مجرد خرافات ومن قبيل ذلك السحر و الأعمال التى تفرق أو تقرب بين البشر و المجئ بالأمراض كلها أقوال منافية للعقل ولا دليل عليها .

اظن انه قد جانبك الصواب اخ خضر

الايات والاحاديث كثيره جدا على امكانية احتكاك الجن بالانس